ചലച്ചിത്രം സൂപ്പര്‍ ഹിറ്റാകുമോ, ചലച്ചിത്രനിര്‍മ്മാതാക്കള്‍ ഇതുമൂലം സാമ്പത്തികനേട്ടമുണ്ടാക്കുമോ പുതിയ അണക്കെട്ട് ആവശ്യമാണോ അല്ലയോ, അണക്കെട്ടിന്റെ പേരില്‍ ഭാവിയില്‍ അഴിമതി നടന്നേക്കുമോ - ഇതൊന്നും ഒരു വിഷയമേ അല്ല. ഈ സിനിമ ഉണ്ടാകുന്നതിനു മുന്‍പേ തന്നെ ഉണ്ടായിരുന്നതാണ് അപകടഭീതി. ഇപ്പോള്‍ പുതുതായി ഉണ്ടായതൊന്നുമല്ല. ഈ ചലച്ചിത്രനിര്‍മ്മാതാക്കള്‍ ആ ഭീതിയെ അവരുടെ ആവശ്യത്തിനു വേണ്ടി ഉപയോഗിക്കുന്നുവെന്ന ആരോപണം ശരിയാണെങ്കില്‍ തന്നെ എന്താ? അതിനെക്കാള്‍ പ്രധാനമാണ് നമുക്ക് നമ്മുടെ ആവശ്യം. അതുകൊണ്ടുതന്നെ അതിനുവേണ്ടി ആ ചലച്ചിത്രത്തെ നാമും ഉപയോഗിക്കണം. 110 വര്‍ഷം പഴക്കമുള്ള, 1200 അടി നീളത്തില്‍ വിള്ളലുള്ള അണക്കെട്ട് ഒരു അപകടവും ഉണ്ടാക്കില്ല എന്നു കരുതുന്നവര്‍ ഇതിനോട് സഹകരിക്കണമെന്നില്ല. അപകട ഭീതി ഉള്ളതുകൊണ്ടാണ് ഈ പ്രചരണത്തോട് സഹകരിക്കുന്നത്, അല്ലാതെ സോഹന്‍ റൊയ് എന്തെങ്കിലും ഉരുട്ടിത്തരും എന്ന് വിചാരിച്ചിട്ടല്ല. https://plus.google.com/107123824072951339311/posts/eVKhRB3CWnW